meingi.com

Bretski David De Rothschild og onnur megnaðu herfyri at sigla um Kyrrahavið í bátinum Plastiki, sum er gjørdur burtur úr 12500 plastfløskum. Hetta til at vísa á skrellið í høvunum, sum millum annað er atvøld til "The Great Pacific Garbage Patch", ið eitt eitt øki á stødd við í minsta lagi Texas, mitt í Kyrrahavinum, har skrell er allastaðni beint undir vatnskorpuni. Toymið vísir á heimasíðu síni á, at bara USA hevur blakað einar 8.7 milliardir plastfløskur burtur, hesar 4 mánaðirnar sum túrurin tók, ið er nóg mikið til at byggja 700.000 Plastiki-bátar við.

Granskarar á Duke University hava staðfest, at nalvin á vesturafrikanarum situr 3 sentimetur hægri enn á evropearum, og staðfesta at tað er tí at afrikanarar renna skjótari. Sambært teimum er nalvin massamiðdepil í kroppinum, og tann hægri nalvin í mun til kroppshædd tí eitt prógv um longri bein og "goymdari hædd", sum gevur teimum fyrimun á rennibreytunum. Hetta tí at renning í prinsippinum er eitt støðugt fall, har fall frá hægri hædd gevur meira ferð. Og hinvegin hava evropearar av somu orsøk ein fyrimun í svimjing, har tað ræðum um at flóta heldur enn at fara framyvir. Les news.yahoo.com

Granskarar á Texas A&M International University gjørdu herfyri eina kanning, har tey fyrst stressaðu fólk, og síðani góvu summum av teimum loyvi at spæla videospøl aftaná. Aftaná vístu úrslitini, at tey sum sloppu at spæla voldilig telduspøl vóru minnið stressað og deprimerað. Les tamiu.edu

Google lanserar í dag Google App Inventor, ið sambært teimum sjálvum skal gera tað gjørligt hjá okkum øllum at forrita til Android, uttan at duga at forrita. Tey hava sambært The New York Times testað skipanina millum skúlabørn og lesandi uttan teld sum serfak, har onkur til dømis megnaði at gera eitt forrit sum sjálvvirkandi svarar SMS tá ið hann koyrdi bil. Les mashable.com

Dr. Paul T. Williams á Lawrence Berkeley National Laboratory í USA hevur seinastu 20 árini granskað yvir 120.000 rennarar, til at kanna í hvønn renning er sunt. Í nýggjastu kanningini hevur hann samanborið bestu tíð yvir 10 km hjá 29.721 monnum, við hvussu nógvir høvdu fingið hjartatrupulleikar 7.7 ár seinni. Og kanningin staðfestir rættiliga greitt, at tess skjótari tú klárar at renna, tess longri livur tú, næstan líka mikið hvussu nógv tú venur. Sum altso merkir, at summi noyðast at venja meira enn onnur, um tey vilja liva líka leingi. Les sweatscience.com

YouTube Leanback er sjónvarpsvinarliga útgávan av YouTube, til tá ið tú bara vilt leggja teg afturá og lata YouTube koyra, við tí sum tú abonnerar uppá, ella sum vinirnir velja at hyggja at, og við møguleika at leypa aftur og fram í videounum við pílknøttunum. Sí www.youtube.com/leanback og les mashable.com

Vit eru øll bjóðað at taka video av okkara dagligdegi tann 24. juli 2010, senda videobrotið upp á www.youtube.com/lifeinaday, har oskar-vinnandi instruktørurin Kevin MacDonald síðani fær til uppgávu at seta útvald brot saman til ein film, við Ridley Scott sum produsara, at vísa á Sundance Film Festivalinum í januar 2011. Øll sum fáa eitt brot við verða upplistaði í filminum sum 'co-directors', umframt at 20 fáa í boði at koma at síggja premieruna. Les youtube-global.blogspot.com

Granskarar á Washington State University's Pullman campus hava við hjálp av trýsti sum annars bara finst djúpt inni í Jørðini mennt eitt nýtt slag av tilfari, ið tey siga er tann mesta tættingin av orku yvirhøvur, næst eftir kjarnorku. Mýl av xenon difluourite verða við hjálp av diamant-amboltum kroyst til at broyta 3D-bygnaða, við trýsti á hædd við tað sum er umleið helvtina av leiðini inn í miðjuna av Jørðini, og tilfarið goymir so mekanisku orkuna til at gera hetta sum kemiska orku. Les popsci.com og sciencedaily.com

Team HTC - Columbia varpar hjartarútmu-, fer-, kraft-, gps- og kadansudátur beinleiðis á google map.

NASA vil eftir øllum at døma prógva, at tey kunnu gera kul telduspøl sum inspirera børn. Hetta "Moonbase Alpha fer at taka umleið 20 minuttir at spæla, og fer at handla um astronautar á mánanum, sum koma í neyð tá ið kritisku skipanirnar svíkja. Les popsci.com