meingi.com

Ein verkætlan á Bio Architecture Lab í Berkeley hevur mennt eitt serligt slag av bakteriu, sum kann eta og umgera brúntara til etanol. Hetta er slóðbrótandi, við tað at tari er ógvuliga skjótt vaksandi, og ikki á sama hátt sum plantur á landi krevja landbúnaðarøki sum annars kundi verið nýtt til matvøruframleiðslu. Tað er ríkiligt til av brúntara, og sløg sum t.d. 'giant kelp' kunnu vaksa við so nógvum sum einum metri um dagin. Les RTCC.org.

Ik Kyo Chang and Jin Ae Lee, Pusan National University from Responding to Climate Change on Vimeo.

Her eru tvey kort av valstøðunum í Føroyum, sum eru litaði eftir hvørjir flokkar fingu flestar atkvøður í valstøðunum eftir løgtingsvalið í 2011 og 2008. Fólkaflokkurin er grønur, Sambandsflokkurin er bláur, Javnaðarflokkurin er reyður, Sjálvstýrisflokkurin er appelsingulur, Tjóðveldi er gulur, Framsókn er ljósareyður og Miðflokkurin er violettur. Har tveir flokkar hava fingið eins nógvar atkvøður, fær tann flokkurin, ið hevur haft størstu framgongd ella minsta afturgongd, litin.

3D-modellið Google Body var upprunaliga eitt av hesum sjálvvaldu projektunum sum starvsfólk á Google sleppa at brúka 20% av sínari arbeiðstíð til at spæla við, og varð so síðani avviklað aftur at Google sjálvum í fjør. Nú er kotan latin út til øll at nýta sum 'open source' sí t.d. www.zygotebody.com. Les Open Source at Google

Kinesiskir granskarar hava funnið smáar leivdir av microRNA í blóðinum og gøgnunum á menniskum sum eta rís, ið merkja at vit kanska ikki 'bara' fáa vitaminir og proteinir og líknandi við matinum, men eisini ílegudáta. Ið sjálvsagt fær skerpaðan týdning um vit loyva ílegubroyttar matvørur. Les The Atlantic

Photo courtesy of Randi, CC BY-NC-ND 2.0

Massachusetts Institute of Technology hevur í eini tíggju ár bjóðað fyrilestarar og undirvísingartilfar ókeypis á OpenCourseWare (OCW), sum einir 100 milliónir lesandi hava brúkt til at fylgja umleið 2100 skeiðum. Nú víðka tey við eini síðuleypandi undirvísingarskipan kallað M.I.T.x, ið verður meira interaktiv, enntá við møguleika at fáa prógv. Les Forbes

YouTube for Schools er eitt serligt úrval av videoum sum KT-vørðar kunnu loyva á skúlunum, til at geva skúlabørnunum atgongd til YouTube EDU videoir við skúlaligum innihaldi, uttan at risikera at tey enda á meira óhóskandi tilfar. Les makeuseof.com

Google Maps til Android hevur nú í nýggjastu útgávu (6.0) fingið eina funku, so at tú kanst zooma inn og síggja kort innandura, um tú ert í einum bygningi kortlagdur av Maps. Les Lifehacker

Granskarar hava funnið feskvatnskeldur 30 metrar niðri í havinum, og uppdagað mikroorganismur har. Ikki serliga væl kannað til nú, millum annað tí at tað krevur eyka nógv lodd at yvirhøvur sleppa niður í salta sjógvin har.

Ein bólkur av granskarum á Københavns Universitet er í ferð við at kanna, hvussu lítil venjing ein skal gera til at mótvirka typu 2 diabetes, við støði teimum ráðum sum hesir sjúklingar fáa frá sínum læknum, at eta sunt og venja meira. Tí hava tey sett 20 mans í aldrinum 40 til 60 ár at venja stutt men hart í nakrar vikur, hvørja ferð 10 x 1 minutt skjótt á kondisúkklu.

"Vi skal forsøge at finde ud af, hvor lidt træning man kan slippe af sted med. Nogle patienter har nemt ved at komme i gang med at dyrke motion, men der er stadig mange, som er svære at nå. Den gruppe kan måske lokkes i gang, hvis de kan nøjes med at træne 10 minutter og stadig få en stor effekt"

Les fpn.dk, Image courtesy of Hugger Industries, cc by-nc-sa 2.0

Amerikansku NeverWet hava mennt eitt silikonu-grundað spray sum er so mikið nógv meira vatnskíggjandi enn til dømis Teflon, at ein iPhone spray'að við evninum kann virka í 30 minuttir undir vatni. Evnið stoytir eisini ís, rust og bakteriur frá sær, og er so mikið effektivt at ting hava ligið í sjógvi í yvir eitt ár uttan at verða vát. Les t.d. CNet og GadgetReview