SAS í Noregi tekur BAE 146 flogførini úr flotanum, tí flogternur og flogskiparar eru vorðin sjúk av at gass frá motorunum seyrar inn í flogfarið. Hetta er sama slag sum Atlantic Airways brúkar, men Magni Arge heldur sambært Kringvarpinum ikki at hesin trupulleiki er veruliga staðfestur. Les uf.fo

Danska tíðarritið TravelPeople skrivar her um FaroeJet, og leggur ikki fingrarnar ímillum. Felagið er stovnað í hevnd, stýrt av einum uttan royndir, nevndarformenn og stjóri gera feilir sum fyrstaárs handilsskúlanæmingar ikki vildu gjørt, og annað. Rithøvundurin er ónevndur, men tað er týðiligt at greinin er skrivað av ella grundað á tilfar skrivað av føroyingi, millum annað tí at føroyingar verða nevndir bara við fornavni, og yvirhøvur stavaðir rætt. (greinin finst ikki longur, men her kann man lesa um greinina: http://www.takeoff.dk/news.cfm?nNewsWeekly=0&nNewsId=8415)