Donsku Kristian von Bengtson og Peter Madsen fingu Tivoli til at skrúva Vertigo uppá maksimalu 6.5 G, sum maskinan er før fyri at geva í 20 sekund, til at testa um teir kunnu klára tey G sum teirra ætlaða (privata) rúmdarferð fer at geva. Les ing.dk og sí www.copenhagensuborbitals.com

HTC Magic verður fyrsta fartelefon við Google stýriskipanini 'Android', sum kann keypast í donskum handlum. Les t3.dk

Fyri fyrstu ferð síðani 2. veraldarbardaga fer Danmark at uppliva 3 ár við fíggjarligari afturgongd, siga danskir serfrøðingar. Arbeiðsloysið fer frá nú umleið 58.000 upp í 170.000, hesi árini. Les epn.dk

So finst ein danskur jobportalur til júst tað sama. BeatifulPeople.dk sáldar 3/4 av teimum frá sum vilja hava sín profil á síðuna, tí at tey eru ov ljót, og verður serliga brúkt av sjónvarpsframleiðarum og tílíkum. Les epn.dk

Anti Doping Danmark staðfesti doping í 107 av 482 dopingroyndum á donskum fitness-sentrum í ár, harav umleið helvtin av dopingsyndarunum vóru millum 16 og 25 ár. Les spn.dk

Í nøkrum donskum almennum stovnum, so sum Toll og Skatt, Videnskabsministeriet, IT- og Telestyrelsen og Forsknings- og Innovationsstyrelsen, er bannað hjá starvsfólkum at nýta Firefox, tí KT-umsitarnir velja at tryggja seg við Internet Explorer. Sjáldsagt eru opensource útvegarir alt annað enn nøgdir við avgerðina. Kelda: Computerworld.dk.

Pínugranskarar á Aalborg Universitet hava gjørt sær eitt lítið torturkamar, har tey við hjálp av CAD/CAM kunnu máta hvussu nógva pínu tað gevur at fáa sýru undir húðina, blása ballónir upp í spísirørinum, senda heitt vatn gjøgnum vøddarnar og brenna húðina við lasaraljósi. Ella meira brúkiligt, at kunna máta akkurát hvar pínan er ringast hjá einum fólki við gikt í knænum, til at geva ta optimalu viðgerðina. Les ing.dk, har man eisini sær video av einum (frívilligum) journalisti sum fær húðina brenda.

Tilsamans 45 álop vórðu framd, og hartil mistu danir 3 milliónir krónur vegna 'phishing', har brotsmennirnir fáa hendur á kreditkortupplýsningar. Les version2.dk

Deildin fyri Arbeiðs- og Almannaheilsu hevur í einari kanning staðfest, at tvøst og spik við lutfalsliga nógvum methylkiksilvur og PCB kann elva til Parkinson sjúku. Pál Veihe vísir á, at tað er eitt greitt hagfrøðiligt samband millum Parkinson sjúkuna og dálka grind. Hann mælir tí føroyingum frá at eta grind, men heldur eta fisk.

Hon er at finna á MySpace.