Bing Maps frá Microsoft dugir nú millum annað at flætta Flickr myndir frá brúkarum inn í kortið, so at tú kanst síggja hvussu bygningarnir síggja út uppá ymisk tíðspunkt, enntá innaní og langt aftur í tíðina. Hartil kanst tú síggja 'live video stream' í kortinum, og síggja stjørnukort um tú hyggur uppeftir. Les engadget.com og sí bing.com/maps/explore

Tú fært 20 GB av ókeypis goymsluplássi á ambætarunum hjá teimum, og kann so við at taka 20-300 myndir fáa samansett eina 3D mynd av onkrum øki ella motivi. Men trøini vaksa ikki inn í himmalin... skipanin datt niður og lá lamin tað mesta av fyrsta degi, tí at ferðslan á heimasíðuni var so nógv. Les newz.dk

Photosynth fer at gera tað gjørligt at seta saman myndir til eina 3D-framløgu. Nú kanst tú royna tað á heimasíðuni hjá Photosynth, ella síggja eina demovideo á YouTube. Les slashdot.org

Microsoft mennir í samstarvi við Washington University eitt forrit kallað Photosynth, sum kann gera eitt 3D modell á telduni av onkrum luti, bara um man hevur tikið nóg nógvar digitalmyndir av tí. Forritið er ikki heilt liðugt enn; men ein video hevur verið klár leingi, og nú ber so eisini til at royna eitt 'technology preview' av tí. Les labs.live.com/photosynth