Langtíðar-kanning av 11247 avstraliarum bendir á, at tað at hyggja í sjónvarp kann vera líka vandamikið sum at royka ella vera ovurfeitur, so ógvusliga at éin tími frammanfyri sjónvarpið styttir títt lív við 22 minuttum, og at 6 tímar frammanfyri sjónvarpið um dagin styttir títt lív við tilsamans fimm árum. Sí the British Journal of Sports Medicine og newser.

Granskarar í Ísrael sammettu IQ hjá 18 til 21 ára gomlum hermonnum sum royktu, við IQ hjá líknandi hermonnum sum ikki royktu, og staðfestu at teir sum royktu í meðal høvdu meira enn 7 stig lægri IQ, enn teir sum ikki royktu. Týðing fyri roykjarar: Tað er býtt at roykja! Les sciencedaily.com

Gott nokk bara sum at vera passivur roykjari í einum rúmi við roykjarum, sambært professor Steffen Loft frá Københavns Universitet. Og tá kann man troysta seg við, at støðan ikki er verri enn restina av døgninum, hjá stórbýarfólkunum. Les eb.dk

Hálendskir granskarar hava roknað seg fram til at tey sunnu og klønu eru dýrari fyri heilsuverkið enn roykjarar og feit, av tí at heilt einfalt liva longri. Les fpn.dk

Visti tú at sigarettfiltur ikki eru niðurbrótilig, men taka 10-15 ár at gerast mikroskopisk plastikkpetti? Og at nikotinið í 200 av teimum (brúktu) er nóg mikið til at drepa eitt menniskja? Um hvør roykjari í heiminum blakar bara 1 skodd á jørðina, so verða tað 1.2 milliardir tilsamans um dagin. Les whyquit.com

NicStic sigarettin fordampar tubbak heldur enn at seta eld á tað, og skapar tí ongan skaðiligan royk. Tíverri luktar hon tó enn illa av tubbaki... so mikið illa at hon riggar sum insekt-styggari eisini. Les wired.com

Um 20 minuttir er blóðtrýstið komið niður á vanligt støði. Um 8 tímar er iltnøgdin í blóðinum komið upp á vanligt støði. Um 48 tímar er vandin fyri hjartaslag minkaður. Osfr. Les healthbolt.net