Autocidal tøkni kundi verið 'die endlösung' fyri føroyskar rottur og vespur. Genmanipuleraðar flugur hava longu oydd screwworm fluguna í USA og tsetse fluguna í Zanzibar. Men tað verður sagt, at tað er nógv dýrari og minni hugaligt at ala og sleppa túsundals genmanipuleraðar rottur út í náttúruna. Les meira á newscientist.com.

Áhugaverd ætlan her hjá Airbus, at í framtíðini gera eitt flogfar sum er líka nógv eitt upplivilsi sum ein ferð, við møguleika at sita í tøknudeildini aftarliga, í fundarumhvørvinum mitt í, ella har frammi við útsýni gjøgnum tekjuna. Les engadget.com.

Granskarar á Oregon State University. Hava mennt eina køliskipan sum kann nýta heili 80% av yvirskotshitanum frá tí sum skal kølast, til at køla tað við og skapa ravmagn til at reka køliskipanina við. Hetta er ikki fyrsta skipan sum kann hetta, men hinvegin ein óvanliga effektiv ein. Les gizmag.com.

Í keldukotuni á kortal.fo verður "bussleiðin", "GPS", "weather" og "flickr" nevnt. Hetta leggur upp til, at kortal.fo fer at varpa beinleiðis, hvar bussarnir í Havn eru, hvussu veðrið er og finna staðbundnar myndir av flickr.com.

Granskarar í Australia og Saudi Arabia meta at man hevði kunnað minka vatnmótstøðuna niður í næstan einki, um skrokkarnir á skipum høvdu verið hitaði upp á 100 gradir ella meira. Hetta er okkurt tey nevna Leidenfrost effekt, har væta skapar eitt damplag millum seg og eitthvørt sum er heitari enn kókipunktið á vætuni. Hetta viðførir tó aðrar trupulleikar so sum at skrokkurin rustar skjótari, og minkar vælsagtans ikki um mótstøðuna frá aldum. Niðanfyri vísir onkur hvussu sama effekt tryggjar at húðin ikki frystir, fyri tað um ein hond verður koyrd heilt skjótt niður í flótandi nitrogen. Les pop.sci

Sniðgevarnir James Auger og Jimmy Loizeau hava funnið uppá hesi snildu tól, sum fáa streym við at fanga flugur og bróta tær niður. So kann lampan lokka fluguna til og harav fáa streym til lokka fleiri til. Les business.dk

Aleix Liovet og Xavier Salueña hava mennt hendan fjarstýrda bilin kallaður dAlh2Orean, sum kann koyra uppá hydrogen skapað tá ið natriumhydroxid og aluminum reagera. Nýtslan av hydrogen dálkar ikki, og restirnar av aluminum hydroxid kann síðani endurgerast til aluminum. Les geekosystem.com

dAlH2Orean H2 R/C Car powered by Aluminium from Aleix Llovet on Vimeo.

Vísindafólk á Oregon State University hava lagt út hesa upptøku av Honshu jarðskjálvtanum herfyri, sum saman við eftirfylgjandi flóðaldu skapti stórar oyðileggingar í Japan. Les laughingsquid.com

Nevndarformaðurin í smápartafelagið Nólsoyar Orkufelag, Bjarti Thomsen, greiddi frá á ráðstevnuni "Engergilagring i Vand" um verkætlanini hjá nólsoyingum um at hita hús upp við vindorku.

Fleiri framløgur frá ráðstevnuni eru at finna á jardfeingi.fo.

SEV vísir á í einari kanning, at økið kring Húsareyn í Húsahaga er best egnaða staðið í landinum at seta vindmyllur upp. Eisini verður sagt, at vindorkan kann knýtast at einari løðistøð, ið vil virka sum ein stabiliserandi battarískipan.

Sí fleiri framløgur frá Orkuráðstevnuni í Norðurlandahúsinum á jardfeingi.fo.