Ein verkætlan á Bio Architecture Lab í Berkeley hevur mennt eitt serligt slag av bakteriu, sum kann eta og umgera brúntara til etanol. Hetta er slóðbrótandi, við tað at tari er ógvuliga skjótt vaksandi, og ikki á sama hátt sum plantur á landi krevja landbúnaðarøki sum annars kundi verið nýtt til matvøruframleiðslu. Tað er ríkiligt til av brúntara, og sløg sum t.d. 'giant kelp' kunnu vaksa við so nógvum sum einum metri um dagin. Les RTCC.org.

Ik Kyo Chang and Jin Ae Lee, Pusan National University from Responding to Climate Change on Vimeo.

Danir hava staðfest hol í trygdini í teirri netbankaskipan sum millum annað Eik og BankNordik brúka, har til ber hjá øðrum at koma at tínum upplýsingum, um tú bara letur fanablaðið aftur við netbankanum, heldur enn at rita út. Stjórin í Skandinavisk Data Center viðmælir at sløkkja kagan heilt, eftir nýtslu av netbankanum. Les politiken.dk

Týska lærarinnan Heidemarie Schwermer skifti fyri 13 árum síðani um til at bara býta um, heldur enn at brúka pengar, og hevur klárað seg líka síðani. Ein partur av filosifiini er, at fátøk og heimleys ikki hava tørv á pengum til verða nakað verd. Les fpn.dk

Roknilærarin Dan Meyer hevur roknað eitt sindur uppá kø-kultur, og kemur fram til at tað hevur størri týdning hvussu nógv fólk sum eru í køini, enn hvussu nógv tey hava í kurvini. Eitt fólk í køini er sambært honum vert 17 eyka vørur. Fyrsta viðmerking á lifehacker sigur at talið er nærri 10, og nevnir so eisini ymiskt annað áhugavert. So sum at køin gongur skjótari um ein drongur situr við kassan og ein genta koyrir í posan (tí hann roynir at imponera), enn um gentan situr við kassan og hann koyrir í posan (tí hon verður distraherað).

Í statinum Utah í USA hava tey alment settu siðani august í fjør arbeitt einans 4 dagar um vikuna, so at fríggjadagurin nú eisini er vikuskifti. Tey arbeiða so 10 tímar um dagin, heldur enn 8, men hava spart eini 13% av orkunýtsluni til bygningar. Og hartil er sjúkrafráveran fallin. Les ing.dk

Amerikanski búskaparfrøðingurin Peter Schiff ávarar um, at amerikanska Federal Reserver í løtuni prentar so mikið nógvar eyka pengar, til at fáa ferð á búskapin, at tey eru í vanda fyri at hava inflatión yvir 10% um 2-3 ár, og inflatión sum í Zimbabwe um 5-10 ár. Hesin Schiiff var ein av teimum fáu sum ávaraðu um kreppuna ið nú er, so hann er ein av teimum sum fólk lurta eftir í dag. Les epn.dk

Á amerikansku teldufyritøkuni "Grinnell Computers" endar arbeiðsvikan hvørja viku við, at starvsfólkini fáa møguliga at skjóta stjóran, í felags telduspæli frá kl 15 til 17. "We laugh until we cry when we play these games". Ein týðandi fyrimunur við telduspølunum er, at har ikki krevst alkohol til at fáa fólk at slappa av og bara hugna sær saman. Les cnet.com

Spælið "Combat Arms", sum tey spæla á Grinell Computers, er forrestin ókeypis ...

Fólk í kreativu vinnuni hava lyndi til at útseta stórar uppgávur, um tey vita at ein fundur fer at avbróta arbeiði, eina ferð í leypi av degnum. Tí er betur at hava fundirnar fyrst ella síðst á degnum. Les lifehacker.com

Les "The Managers Cheat Sheet: 101 Common-Sense Rules for Leaders" á www.focus.com

Amerikanskir verkfrøðingar hava mennt ein nýggjan máta at framleiða olju burtur úr algum, sum er 40% bíligari enn teir fyrr royndu, og nú heldur ikki gevur hvørki spill-vatn ella krevur reinsing fyri kemikaliu. Sum er kunnu tey framleiða olju fyri 1.45 kr/liturin, sum er bíligari enn biodiesel úr majs ella soyabønum, og tey vænta heilt skjótt at kunna koma niður á 0.87 kr/liturin. Í Venezia ætla tey at gera eitt 40 MW kraftverk eftir gamla prinsippinum at fáa olju burtur úr æti, har CO2-ið frá kraftverkinum verður brúkt til at gøða ætið við. Les ing.dk