Granskarar á MIT hava mennt eitt slag av plastikk, sum bara leiðir varma annan veg. Hetta kann brúkast til dømis til at køla teldur við. Les ing.dk

"The Mars Tumbleweed" er ein verkætlan hjá NASA og øðrum, at møguliga fara at kanna Mars við bóltum sum blása við vindinum, heldur enn við traditionellum marsbilum. Væleydnaðar royndir hava longu verið gjørdast í Grønlandi og á Suðurpólinum, og nú fara tey so at royna at fáa størri játtan, til at kunna gjøgnumføra ætlanina. Les discovery.com og sí video av tveimum ymiskum møguligum bóltum.

Nýggj gransking í USA bendir á at alheims kostráðgeving tey seinastu 20 árini hevur verið skeiv, um at vit skulu ansa eftir við feitti frá mjólkarúrdrátti og kjøti, og í staðin eta meira kolvætu sum epli og pasta. Teirra kanning av 348.000 menniskjum kundi ikki staðfesta samanhang millum feittinntøku og vandan fyri at doyggja at blóðproppi ella líknandi æðralagssjúku. Feitt er ikki púra fríkent, men hin vegin er kolvæti heldur ikki heilt óskyldugt, við tað at einfalt kolvæti sum sukur og hvítt breyð kann føra til sukursjúku, sum so aftur økir fyri vandan fyri hjarta- og æðralagssjúku. Og tí kann viðmælið um at eta meira kolvæti vera meira til skaða enn gagn. Les fpn.dk

Amerikanska tíðarritið "Popular Science" hevur nú í samstarvi við Google valt at lata síni ljóslisnu bløð vera frítt atgongilig á netinum, úr blaðgoymsluni sum fer 137 ár aftur í tíðina. Sí www.popsci.com/archives

Sambært einum lættisoppa lista hjá MSNBC hava havfrøðingar næstversta arbeiði millum vísindafólk. Hetta kemst av at tey hava einans vánalig útlit at bera: "Nothing but bad news, day in and day out".
Kloakk-kavari liggur ovast á listanum.

Les meira á msnbc.com.

Granskarar hava staðfest at fólk hava lættari við at finna feilin í setninginum "Hvussu nógv djór tók Móses við sær í Arkina?", tess torførari skriftin er at lesa. Í aðrari kanning at uppfunnað evnið Hnegripitrom varð hildið at vera vandamiklari enn líka nógv uppfunnað evnið Magnalroxate. Okkurt bendir altso á, at vit hava lættari við at góðtaka okkurt sum er lætt at lesa, enn um skriftin er knortlut. Les ing.dk

Ein kanadisk kanning av 50.000 fólkum bendir á, at fólk sum eta sjokulátu minst eina ferð um vikuna, eru 22% í minni vanda fyri at fáa heilabløðing, enn tey sum slettis ikki eta sjokulátu. Og ein onnur kanning av 1169 fólkum bendir á, at av sjokuláta-átið minkar 46% um vandan fyri at doyggja av heilabløðing, um man skuldi fingið eina. Granskararnir eru tó ikki vísir í, um tað er tí at sjokulátan verjir, ella tí at tað serliga eru sunn fólk sum eta sjokuláta. Les telegraph.co.uk

Hetta pástendur tannlæknin Anil Makkar, sum við fyritøkuni Makkar hevur leverað ítróttarfremjandi mundstykki til millum annað Shaquille O'Neal. Rómverskir soldátar bitu í leður og hermenn undir amerikanska krígnum í kúlur, til at yvirkoma pínuna av sárum og skurðviðgerð. Eftir øllum at døma til at umganga at tennirnar kundu bítast heilt saman, ið sambært Makkar onkunsvegna viðførir ovurframleiðslu av stresshormonum og líknandi, ið aftur ávirkar kroppstøðu, liðiligheit, balansu og styrki. Fremstu ítróttarfólk royna at slappa í andlitinum tá ið tey íðka sín ítrótt, og nú kanst tú altso keypa eitt ting at bíta í, til at sleppa eitt sindur lættari. Les theglobeandmail.com

Amerikanarar skuldu eftir ætlan fara aftur til Mánan í 2018, fyri síðani at byggja upp eina rúmdarstøð har og annað. Men fíggjarstøðan er so vánalig, at Obama nú velur at droppa ætlanirnar. Les jp.dk

Granskarar á University of Illinois halda at darwinisman er kanska bara tann núverandi fasan í evolutiónini, har tann genetiska kotan hinvegin varð skapað við 'horisontala evolutión'. Altso at ílegumenningin kom av at verurnar fingu ílegur frá øðrum samstundis livandi verum runt um seg, heldur enn við at arva frá foreldrum sínum. Les newscientist.com