Les engadget.com og sí www.picodv.com

"The Mars Tumbleweed" er ein verkætlan hjá NASA og øðrum, at møguliga fara at kanna Mars við bóltum sum blása við vindinum, heldur enn við traditionellum marsbilum. Væleydnaðar royndir hava longu verið gjørdast í Grønlandi og á Suðurpólinum, og nú fara tey so at royna at fáa størri játtan, til at kunna gjøgnumføra ætlanina. Les discovery.com og sí video av tveimum ymiskum møguligum bóltum.

Amerikanska tíðarritið "Popular Science" hevur nú í samstarvi við Google valt at lata síni ljóslisnu bløð vera frítt atgongilig á netinum, úr blaðgoymsluni sum fer 137 ár aftur í tíðina. Sí www.popsci.com/archives

Varaforsetin hjá Google Global Ad Operations segði á ráðstevnu í Írlandi herfyri, at vanligar teldur verða óviðkomandi innan 3 ár, tá ið tað kemur til leiting á netinum. "In three yers time, desktops will be irrelevant. In Japan, most research is done today on smart phones, not PCs". Ovasti stjórin Eric Schmidt segði á líknandi hátt fyri einum mánaða síðani, at Google nú hevur fokus á leiting á fartelefonum, ikki teldum. Les news.yahoo.com

Donsku Kristian von Bengtson og Peter Madsen fingu Tivoli til at skrúva Vertigo uppá maksimalu 6.5 G, sum maskinan er før fyri at geva í 20 sekund, til at testa um teir kunnu klára tey G sum teirra ætlaða (privata) rúmdarferð fer at geva. Les ing.dk og sí www.copenhagensuborbitals.com

Granskarar hjá Microsoft og á Carnegie Mellon University í Pittsburg hava mennt eina skipan sum kann hoyra til dømis hvar tú trýstir á kroppin, ella um tú knýtir hondina. Alt sum krevst er bara eitt armband og kanska ein lítil projektørur, til at tú kanst hava "touch" skermin á arminum. Les newscientist.com

10/GUI eitt ein konsept hjá R. Clayton Miller, til hvussu vit kunnu fáa enn betri brúkaraflatur á telduni, enn tær núverandi við mús, knappaborði og møguligum 'touch' skermi.

10/GUI from C. Miller on Vimeo.

Bing Maps frá Microsoft dugir nú millum annað at flætta Flickr myndir frá brúkarum inn í kortið, so at tú kanst síggja hvussu bygningarnir síggja út uppá ymisk tíðspunkt, enntá innaní og langt aftur í tíðina. Hartil kanst tú síggja 'live video stream' í kortinum, og síggja stjørnukort um tú hyggur uppeftir. Les engadget.com og sí bing.com/maps/explore

Útvaldir handlar hava fingið serligar teldur settar upp, har tú á skerminum kanst síggja teg sjálvan halda tað Lego modell, sum er í pakkanum í tínum hondum. Les version2.dk

Google hevur í dag lanserað Google Buzz, ið er eitt slag av Twitter til títt Gmail. Sí video.